Borgarleikhúsið Árið án sumars ★★★★· Höfundar, leikstjórar og flytjendur: Katrín Gunnarsdóttir, Kristinn Guðmundsson, Saga Kjerúlf Sigurðardóttir, Sigurður Arent Jónsson og Védís Kjartansdóttir sem skipa leikhópinn Marmarabörn. Dramatúrg: Igor Dobričić. Aðstoðarleikstjórn: Birnir Jón Sigurðsson. Leikmynd og búningar: Guðný Hrund Sigurðardóttir. Lýsing: Ólafur Ágúst Stefánsson. Tónlist: Gunnar Karel Másson. Leikhópurinn Marmarabörn frumsýndi á Stóra sviði Borgarleikhússins föstudaginn 31. janúar 2025.
Árið án sumars „Sjónrænt er sýningin firna sterk og leggst þar allt á eitt, sviðsmynd, búningar og lýsingin.“
Árið án sumars „Sjónrænt er sýningin firna sterk og leggst þar allt á eitt, sviðsmynd, búningar og lýsingin.“ — Ljósmynd/Owen Fiene

Dans

Sesselja G.

Magnúsdóttir

Árið er 1816. Það er árið sem vísað er til í sögubókum sem „árið án sumars“. Fimm ungmenni, Mary Godwin (seinna Shelley), stjúpsystir hennar Claire Clairmont og kærasti Lord Byron, læknirinn hans dr. Polidori og Percy Shelley, hafa komið sér fyrir á sveitasetri við Genfarvatn til að njóta sumarsins; lesa, skrifa og sóla sig. Sumarið lætur aftur á móti ekki á sér kræla. Þess í stað er kalt og rigningasamt og sólin nær ekki að skína í gegnum skýin. Ástæða kuldans er eldgos í fjallinu Tambora í Indónesíu árið áður en fyrir utan eyðileggingu í nánasta nágrenni olli gosið hálfrar gráðu kólnun um allan heim vegna þess að öskuagnir frá því náðu upp í heiðhvolfið og höfðu áhrif á veðráttu miklu víðar. Í Evrópu og Norður-Ameríku komu afleiðingarnar fram í því

...