Greindur með Parkinsonsveiki

Daniel Barenboim, einn þekktasti hljómsveitarstjóri heims, hefur tilkynnt að hann glími við Parkinsonsveiki. Þessu greinir BBC frá. Barenboim, sem er 82 ára, hefur starfað sem stjórnandi Sinfóníuhljómsveitarinnar í Chicago, Ríkisóperunnar í Berlín og La Scala í Mílanó. Fyrir þremur árum fækkaði hann til muna tónleikum sínum eftir að hann hafði þróað með sér „alvarlega taugaröskun“. Í yfirlýsingu sem hann sendi frá sér í vikunni staðfesti hann loks hvers eðlis veikindin væru.