Gengið hefur verið frá samningum um sölu á rannsóknaskipinu Bjarna Sæmundssyni ti norsks kaupanda. Hefur því verið bundinn endi á rúmlega hálfrar aldar samleið skipsins og íslensku þjóðarinnar. Ætlunin er að afhenda skipið nýjum eigendum í Noregi um komandi mánaðamót, en ef þörf verður á skipinu í marsralli (stofnmælingu að vori) má fresta afhendingu til 1. apríl.
Þorsteinn Sigurðsson, forstjóri Hafrannsóknastofnunar, tilkynnti starfsfólki söluna í gær og sagði um söluna: „Það verður söknuður að okkar góða skipi Bjarna Sæmundssyni sem hefur þjónað okkur í ríflega hálfa öld eða frá árinu 1970. Það er samt gott að vita til þess að hann verður áfram í notkun þótt hlutverkið verði annað,“ sagði hann.
Hafrannsóknastofnun á von á nýju hafrannsóknaskipi, Þórunni Þórðardóttur, sem hefur verið í smíðum í Vigo á Spáni. Gert er ráð
...