Sigurður Helgi Stefánsson, Siggi, fæddist í Reykjavík 14. janúar 1984. Hann lést á líknardeild Landspítalans 4. febrúar 2025.
Hann var sonur hjónanna Elínar Friðbertsdóttur og Stefáns Sigurðssonar, d. 2016. Bræður Sigurðar eru Stefán Elí, kvæntur Natalíu Stefánsson, og eiga þau fjögur börn, og Bjarki Már, maki Hrafnhildur Jónasdóttir, og eiga þau tvö börn. Sigurður kvæntist Auði Lilju Harðardóttur 27. október 2023. Auður, fædd 1. janúar 1986, er dóttir hjónanna Harðar Gunnarssonar og Hrannar Björnsdóttur. Börn Sigurðar og Auðar eru Breki Már, f. 2012, Róbert Darri, f. 2012, og Elísabet Rakel, f. 2019. Sigurður ólst upp á Kársnesi í Kópavogi og gekk í Kársnesskóla og Þinghólsskóla. Hann lauk stúdentsprófi frá Verslunarskóla Íslands og síðar verkfræðinámi frá Háskólanum í Reykjavík árið 2008. Hann bætti við sig sérnámi í DTU í Kaupmannahöfn og útskrifaðist þaðan árið
...