Ketill Guðlaugur Ágústsson fæddist á Brúnastöðum í Flóa 14. febrúar 1945 og er því áttræður í dag.
Ketill ólst upp á Brúnastöðum í stórum systkinahópi og er þriðji í röðinni af sextán börnum Ágústs og Ingveldar á Brúnastöðum.
Ketill lauk barnaskólaskólaprófi í Þingborg í Hraungerðishreppi, næst lá leiðin í Bændaskólann á Hvanneyri og lauk hann búfræðiprófi 1965. „Ég hafði áhuga á búskap og vildi vinna við þetta, það var ekkert annað sem ég hafði sérstaklega áhuga fyrir. Ég var einn af þeim eldri af systkinunum og verkin fóru að lenda á mér.“
Næst sá Ketill um rekstur á búi foreldra sinna á Brúnastöðum en starfaði einnig við búfjársæðingar frá Kynbótastöðinni í Þorleifskoti, sem þá var rekin af Búnaðarsambandi Suðurlands. Árið 1974 kom hann síðan inn í búrekstur foreldra sinna
...