Jóhanna Jórunn Thors Einarsdóttir fæddist 8. september 1937. Hún lést 2. febrúar 2025.
Útför Jóhönnu fór fram 12. febrúar 2025.
Jóhanna Jórunn, ávallt kölluð Jójó, var hlý, góð og elskuleg vinkona. Hún var mikill húmoristi og gestgjafi af Guðs náð. Hún hafði gaman af því að taka á móti gestum og nutum við vinkonurnar góðs af.
Árið 1973 fórum við nokkrar vinkonur á bridgenámskeið hjá Bridgefélagi kvenna og þar hittum við Jójó. Ein úr okkar hópi var fyrrverandi starfsfélagi og vinkona hennar og stofnuðum við í framhaldinu spilaklúbb með Jójó. Frá þeim tíma höfum við spilað saman vikulega yfir vetrarmánuðina heima hjá hver annarri. Við höfum einnig tekið þátt í keppnum, okkur öllum til mikillar ánægju, og hafði Jójó ekki síst gaman af því enda var hún mikil keppnismanneskja. Spilaklúbburinn fór í
...