Krabbameinsfélagið afhenti Landspítalanum 20 milljóna króna styrk í vikunni til kaupa á nýrri stafrænni bókunarlausn fyrir brjóstaskimanir.
Styrkurinn er afrakstur samstarfs félagsins, Íslandsbanka og 42 fyrirtækja sem eru í viðskiptum við bankann.
Með nýrri stafrænni lausn munu konur annars vegar geta bókað sig rafrænt og hins vegar fengið senda bókun í skimun með boðsbréfi. Gert er ráð fyrir að frá og með næsta hausti verði lausnin að fullu innleidd.
Í tilkynningu frá Krabbameinsfélaginu kemur m.a. fram að þátttaka í brjóstaskimun á Íslandi á síðasta ári hafi ekki verið nema 56%, sem sé mun minna en annars staðar á Norðurlöndunum. Gert sé ráð fyrir að þátttaka þurfi að vera um 75% til að fullum árangri af skimuninni sé náð. Í skimunum sé hægt að finna krabbamein í brjósti áður
...