Sverrir Hjaltason fæddist 5. maí 1941. Hann lést 26. janúar 2025.
Útför hans fór fram 13. febrúar 2025.
Elsku Sverrir.
Kynni okkar hófust 4. maí 2008, því man ég það svo vel? Þá komst þú ásamt Agli á fæðingardeildina til að hitta litla afastrákinn þinn í fyrsta skipti. Mér mætti feiminn og hlýr maður með falleg vinaleg augu. Þú varst ósköp hrifinn af litla snáðanum og það entist út ævi þína. Við Ragnar Ingi vorum óskaplega heppin að koma inn í fjölskyldu ykkar Eyju. Þið voruð okkur alltaf svo góð og okkur þykir innilega vænt um ykkur og allar minningarnar. Vel fór á með foreldrum mínum og ykkar og þykir mér vænt um það. Þegar Ragnar Ingi var lítill sastu oft með hann og Perlu þína í fanginu og spjallaðir. Ragnar Ingi var alltaf glaður yfir að fara í heimsóknir til ykkar á Selfoss enda var dekrað
...