Ég er ekki með sterkmótaða trúarsýn að öðru leyti en því að ég er sannfærð um að til er annar heimur en okkar, vídd sem stundum fæst innsýn í þótt óskiljanleg sé.
„Mér fannst heillandi að sjá horfinn tíma í gegnum persónur sem eiga sitt daglega líf, sorgir og gleði, rétt eins og við, en eru bundnar af ólíku samfélagi,“ segir Vilborg.
„Mér fannst heillandi að sjá horfinn tíma í gegnum persónur sem eiga sitt daglega líf, sorgir og gleði, rétt eins og við, en eru bundnar af ólíku samfélagi,“ segir Vilborg. — Morgunblaðið/Eyþór

Vilborg Davíðsdóttir rithöfundur rekur Laxdæla sögu á sinn hátt á Sögulofti Landnámssetursins í Borgarnesi. Hún hefur skrifað fimm skáldsögur um tvær persónur hennar – þríleik um Auði djúpúðgu og tvennu um Þorgerði Þorsteinsdóttur, barnabarn Auðar. Vilborg þekkir vel til á Söguloftinu, en þar endursagði hún þrjár bækur sínar um Auði í tvo vetur frá 2017 til 2019, þrjátíu sinnum alls fyrir fullu húsi.

Í flutningi hennar á Laxdælu er ástarþríhyrningurinn í forgrunni: Guðrún, Kjartan og Bolli.

„Laxdæla hefði auðvitað átt að heita Guðrúnar saga Ósvífursdóttur því ævi hennar og ástir binda söguna saman, en Íslendingasögur heita aldrei eftir konum. Í flutningi mínum tálga ég utan af sögunni allt sem snýst ekki um hana, Kjartan og Bolla. Frásögnin hverfist um ástarþríhyrninginn,“ segir

...