Auður Jónsdóttir fæddist 14. febrúar 1936. Hún lést 27. janúar 2025.
Útför hennar fór fram 11. febrúar 2025.
Elsku frænka, í stað símtals á afmælisdaginn skrifa ég þessi minningarorð.
Þú fórst snögglega yfir í Sumarlandið og ert nú komin í faðm Sverris þíns, mömmu, pabba, bróður og fleiri ástvina.
Síðustu árin voru þér erfið og parkinson tók lífsgæði þín frá þér og möguleikann á að vera heima í Langholtinu. Vera í eldhúsinu, elda, baka og taka á móti ættingjum og vinum. Eiga aukatertur í frosti eða ofan á kistunni í kalda þvottahúsinu. Kótelettur í raspi, karöflusalat, marensterta, kanilkaka, pönnsur, sherry triffle, bufflokur og samlokur eru allt orð sem koma upp í hugann.
Þú varst með einstakt jafnaðargeð og
...