Garðbæingurinn Eggert Aron Guðmundsson er genginn til liðs við norska úrvalsdeildarfélagið Brann og skrifaði hann undir þriggja ára samning í Bergen sem gildir út keppnistímabilið 2028. Eggert Aron, sem er 21 árs gamall, kemur til félagsins frá Elfsborg í Svíþjóð þar sem hann hefur leikið frá því í janúar á síðasta ári. Meiðsli settu strik í reikninginn hjá honum í Svíþjóð en alls lék hann sjö leiki fyrir Elfsborg í sænsku úrvalsdeildinni og skoraði í þeim eitt mark. Alls voru leikirnir 11 talsins fyrir Elfsborg í öllum keppnum. Freyr Alexandersson tók við þjálfun Brann um miðjan janúar síðastliðinn en félagið hefur hafnað í öðru sæti norsku úrvalsdeildarinnar undanfarin tvö tímabil.
Hlín Eiríksdóttir byrjaði sinn fyrsta deildarleik fyrir Leicester þegar liðið tók á móti Aston Villa í ensku úrvalsdeildinni í fótbolta í gær. Leiknum lauk með öruggum
...