Trjábolir Mörg tré hafa verið felld við Elliðaárdal austan við Sprengisand.
— Morgunblaðið/Baldur
Vegfarendur í Elliðaárdal og við Arnarbakkann í Breiðholti hafa veitt því athygli að mörg tré hafa verið felld undanfarið.
Vestan við brúna við Toppstöðina í Elliðaárdal er búið að raða upp stærðarinnar trjábolum við hjólastíginn, eins og hér er sýnt á mynd.
Þær upplýsingar fengust hjá borginni að af því að þetta væri allt gróðursettur skógur en ekki náttúruskógur hefði skapast grisjunarþörf en víða í lundum hefði skógurinn vaxið allt of þétt.
Mikil umræða hefur skapast um grisjun skógarins í Öskjuhlíð en málið er umdeilt. Í Morgunblaðinu í gær var fjallað um grisjun í Öskjuhlíð vegna stígagerðar. baldura@mbl.is