Forsætisráðherra Ísraels, Benjamín Netanjahú, sagði í gærkvöldi að ísraelsk sendinefnd myndi halda til Kaíró í dag til þess að ræða stöðu vopnahlésins á milli Ísraels og hryðjuverkasamtakanna Hamas.
Mun sendinefndin ræða þar hvernig framhald fyrsta áfanga vopnahlésins af þremur verði, en báðir aðilar hafa sakað hinn um brot á samkomulaginu. Öryggisráð Ísraels mun svo funda í framhaldi af viðræðunum á morgun og leggja þar sendinefndinni línurnar um hvernig staðið verði að viðræðum um annan áfanga vopnahlésins.
Þær viðræður áttu að hefjast fyrr í þessum mánuði, en Netanjahú neitaði að senda fulltrúa til þeirra þar sem Hamas-samtökin hefðu ekki staðið við sinn hluta fyrsta áfangans varðandi lausn á gíslum sínum.
Netanjahú fundaði fyrr um daginn með utanríkisráðherra
...