Sigurður Bogi Sævarsson
sbs@mbl.is
„Tónlistarnám er þroskandi og áhuginn hér í bæ er mikill,“ segir Haraldur Árni Haraldsson, skólastjóri Tónlistarskóla Reykjanesbæjar. Þar var efnt til skemmtilegrar dagskrár nýlega í tilefni af degi tónlistarskólans, sem er 7. febrúar ár hvert. Dagur og dagskrá eru tileinkuð minningu Gylfa Þ. Gíslasonar sem var menntamálaráðherra frá 1956-1971 og lét þá tónlistarmenntun í landinu mjög til sín taka.
Sem ráðherra kom Gylfi því meðal annars í kring að sveitarfélög sem höfðu hug á því að stofna tónlistarskóla fengju stuðning úr ríkissjóði. Þetta varð til þess að tónlistarskólar voru settir á fót víða og urðu sjálfsagður hluti af menntun og menningu í landinu. „Við búum alla tíð að framsýni Gylfa og áhuga hans á markvissri tónlistarmenntun
...