Vegferð valkyrja er ei vegleg, þegar standa á henni mörg og óþægileg spjót úr ólíkum áttum, en enn verjast þær fimlega, en óþægileg óveðursský hrannast upp á himni, er getur sett þeirra samstarf í uppnám og jafnvel riðið þeim að fullu og myndu þá…
Valkyrja Er stutt í að eldingu ljósti niður sem splundrar hinni ungu ríkisstjórn þriggja flokka?
— Morgunblaðið/Eyþór
Vegferð valkyrja er ei vegleg, þegar standa á henni mörg og óþægileg spjót úr ólíkum áttum, en enn verjast þær fimlega, en óþægileg óveðursský hrannast upp á himni, er getur sett þeirra samstarf í uppnám og jafnvel riðið þeim að fullu og myndu þá kryddpíur í borgarstjórn sogast með í þeim hreinsunareldi. Margir dómar hafa fallið um að ofgreitt skuli endurgreitt. Þykist ég vita að þær muni eigi standast þá orrahríð og hlytist af ragnarök hin síðari. Bomban tifar og þráður styttist og vei þeim sem berskjaldast í þeim hildarleik.
Já, hvað gerir nú ráðherrann hún Inga
þegar styrktarmál eru við það að springa?
Þá dugar ei að garga og syngja,
eða í eldaskála að skrafa og þinga.
Ragna Garðarsdóttir