Breski forsætisráðherrann Keir Starmer kallaði eftir fulltingi Bandaríkjanna jafnframt því að slá því föstu öðru sinni að hann hygðist íhuga að senda breskt herlið til Úkraínu í félagsskap herja fleiri þjóða „ef varanlegt friðarsamkomulag næst“
„Au revoir!“ Emmanuel Macron Frakklandsforseti kveður gesti sína eftir óformlegan fund Evrópuleiðtoga sem vilja taka þátt í að kjósa álfu sinni örlög.
„Au revoir!“ Emmanuel Macron Frakklandsforseti kveður gesti sína eftir óformlegan fund Evrópuleiðtoga sem vilja taka þátt í að kjósa álfu sinni örlög. — AFP/Ludovic Marin

Atli Steinn Guðmundsson

atlisteinn@mbl.is

Breski forsætisráðherrann Keir Starmer kallaði eftir fulltingi Bandaríkjanna jafnframt því að slá því föstu öðru sinni að hann hygðist íhuga að senda breskt herlið til Úkraínu í félagsskap herja fleiri þjóða „ef varanlegt friðarsamkomulag næst“.

Þetta var meðal þess sem fram kom á Parísarfundi evrópskra þjóðarleiðtoga í gær þar sem umræðuefnið var forsendur og skilyrði í tengslum við það ferli að knýja vargöld Rússa í Úkraínu til kyrrðar og stilla þar til friðar í stríði sem eftir eina viku hefur geisað í þrjú ár án þess að áberandi árangurs rússneska heraflans hafi orðið vart við að leggja nágrannaríkið undir sig.

Var það einróma niðurstaða rúmlega þriggja klukkustunda langs fundar í Élysée-höllinni í París að

...