Svanur Guðmundsson
Núna hefur atvinnuráðherra, Hanna Katrín Friðriksson, lagt fram hugmyndir um að auka gagnsæi í sjávarútvegi. En hvað er raunverulegt gagnsæi og hvernig styður stefna hennar við framtíð greinarinnar?
Verbúðin, sem hún vitnar til í grein í Morgunblaðinu 12. febrúar, var dramatísk skáldsaga sem fjallaði um ólifnað á verbúðum frekar en raunveruleg söguleg atvik um kvótakerfið. Sú umfjöllun hefur að undanförnu mótað umræðu um sjávarútveg á Íslandi, oft án hlutlægrar hag- og líffræðilegrar greiningar. En hver eru raunveruleg skilaboð atvinnuráðherra um gagnsæi?
Það er ljóst að mesta óvissan í rekstri sjávarútvegsins er ekki eignatengsl, heldur hafrannsóknir og ástand fiskistofna. Það vantar skýr svör við því hvernig ríkið ætlar að auka gagnsæi um aðferðafræði í stofnmati og
...