Helgi Snær Sigurðsson
Eitt af mínum uppáhaldsorðum er „herpitútta“ og hefur verið allt frá því ég sá orðið fyrst á prenti, í Ljósvaka árið 2013. Samstarfskona mín skrifaði þá um herpitúttuna Martin lækni í þáttunum Doc Martin. Læknir þessi er ein skondnasta persóna sem sést hefur í sjónvarpi, stífur með endemum og greinilega á einhvers konar rófi. Hann er gersneyddur skopskyni og honum er ómögulegt að brosa eða slá á létta strengi. Það kemur sér illa þegar hann þarf að sinna sjúklingum alla daga sem botna ekkert í honum.
Ofanritaður á það til að fá skrítna hluti á heilann og ein furðan er orðið herpitútta. Túttan hefur rifjast upp reglulega og um leið spurt: Hvar er Martin læknir og af hverju er enginn að tala um herpitúttur? Fésbókarsíðan „Skemmtileg íslensk orð“ fjallar um slíkar túttur
...