Ólafur E. Jóhannsson
oej@mbl.is
Sú gæti orðið niðurstaðan að Íslendingar tækju yfir þau 479 tonn af loðnu sem komu í hlut Norðmanna af útgefnu aflamarki í loðnu, enda er ljóst að Norðmenn geta ekki nýtt sér þann kvóta sem kom í þeirra hlut af þeim 8.589 tonnum af loðnu sem heimilað var að veiða eftir ráðgjöf Hafrannsóknastofnunar.
Þetta segir Hanna Katrín Friðriksson atvinnuvegaráðherra í samtali við Morgunblaðið, en eins og fram kom í Morgunblaðinu í gær eiga Norðmenn rétt á að veiða fyrrgreint magn úr þeim skammti sem heimilt er að veiða á vertíðinni.
Tonnin sem komu í hlut Norðmanna eru þannig til komin að á síðustu loðnuvertíð á Íslandsmiðum veiddu íslensku skipin 1.915 tonn umfram sínar veiðiheimildir og þurfa að endurgreiða Grænlendingum og Norðmönnum þeirra hlutdeild í umframaflanum. Hlutur Norðmanna af þeim skammti eru fyrrgreind 479 tonn, en þar sem Norðmenn geta ekki veitt
...