Margt er enn óljóst um atburðina sem leiddu til þess að rithöfundurinn Guðmundur Kamban var skotinn til bana í Kaupmannahöfn á friðardaginn 5. maí 1945. Leynd hefur verið létt af gögnum um málið í danska Þjóðskjalasafninu og í erindi sem Jón Karl…
Fyrirlestur Jón Karl Helgason flytur erindi sitt um atburði dagsins þegar Guðmundur Kamban rithöfundur var skotinn til bana 5. maí 1945.
Fyrirlestur Jón Karl Helgason flytur erindi sitt um atburði dagsins þegar Guðmundur Kamban rithöfundur var skotinn til bana 5. maí 1945. — Morgunblaðið/GSH

Guðmundur Sv. Hermannsson

gummi@mbl.is

Margt er enn óljóst um atburðina sem leiddu til þess að rithöfundurinn Guðmundur Kamban var skotinn til bana í Kaupmannahöfn á friðardaginn 5. maí 1945. Leynd hefur verið létt af gögnum um málið í danska Þjóðskjalasafninu og í erindi sem Jón Karl Helgason, prófessor við Íslensku- og menningardeild HÍ, hélt í gær undir yfirskriftinni „Hvers vegna var Guðmundur Kamban skotinn til bana?“ rakti hann vitnisburði viðstaddra sem að mörgu leyti voru ekki samhljóða.

Óumdeilt er að félagar í andspyrnuhópnum Ringen í Kaupmannahöfn komu um hádegisbil á Pension Bartoli þar sem Kamban bjó ásamt Agnetu Egeberg eiginkonu sinni og Sybil dóttur þeirra, sem var 24 ára, í þeim tilgangi að handtaka Kamban. Mennirnir voru allir vopnaðir. Þeir höfðu verið að alla nóttina,

...