Kristján Júlíusson, sem lést í bílslysi á Þingvallavegi í síðustu viku, lætur eftir sig eiginkonu og þrjá unga drengi. Söfnun er hafin fyrir ekkju hans og syni. Lögreglan á Suðurlandi greindi frá nafni Kristjáns í gærmorgun, en slysið varð á fimmtudag í síðustu viku.
Lögreglan ásamt rannsóknarnefnd samgönguslysa vinnur að rannsókn slyssins en Kristján lést eftir að steypubifreiðin sem hann ók valt á veginum við Vaðlækjarveg. Var þetta fyrsta banaslysið á árinu.
Kristján fæddist 16. febrúar 1982. Hann var fæddur og uppalinn á Húsavík en búsettur á Selfossi. Kristján var kvæntur Selmu Hrönn Vilhjálmsdóttur og saman eiga þau þrjá syni.
Þeim sem vilja létta undir með fjölskyldunni á þessum erfiðu tímum er bent á reikning:
Reikningur: 0325-26-012499, kennitala: 130987-2499. Reikningurinn er á nafni Selmu.