Kristján H. Johannessen
khj@mbl.is
Allt bendir til að Pjongjang hafi nú þegar sent frekara herlið til Rússlands sem hernaðaraðstoð við stríðsrekstur þeirra í Úkraínu. Gervihnattamyndir eru sagðar sýna minnst tvö stór landgönguskip sjóhers Rússlands flytja herlið frá Norður-Kóreu til hafnar í austurhluta Rússlands. Þaðan er herliðið sagt hafa verið flutt til átaka í Kúrsk-héraði Rússlands, en fámenn sveit Úkraínuhers hefur nú í rúmt hálft ár staðið mjög í heimamönnum og lagt undir sig rússneskt landsvæði.
Er það m.a. CNN sem greinir frá þessu og birtir umræddar gervihnattamyndir, en leyniþjónusta Suður-Kóreu hefur einnig staðfest þessi tíðindi við aðra erlenda fréttamiðla og vestrænar varnarmálahugveitur.
Landgönguskipin rússnesku eru af gerðunum Ropucha og Alligator. Eru
...