45. landsfundur Sjálfstæðisflokksins hefst í dag. Eiginleg fundarstörf hefjast með fundum málefnanefnda kl. 10.00 í bæði Laugardalshöll, þar sem skráning landsfundarfulltrúa fer fram, og í Valhöll.
Bjarni Benediktsson, fráfarandi formaður flokksins, flytur setningarræðu sína í Laugardalshöll kl. 16.30 og eru allir sjálfstæðismenn velkomnir, en að öðru leyti er fundurinn aðeins opinn landsfundarfulltrúum.
Mest eftirvænting er að líkindum eftir formannskosningunni á sunnudag, en hún hefst kl. 11.30. Þar hafa þær Áslaug Arna Sigurbjörnsdóttir og Guðrún Hafsteinsdóttir gefið kost á sér.
Á fundinum fara einnig fram hefðbundin landsfundarstörf, þar á meðal málefnavinna til stefnumótunar og breytingar á skipulagsreglum, sem lesa má um í blaðinu í dag. » 12