Kjarnafæði Norðlenska, sem á og rekur sláturhús SAH afurða á Blönduósi, tilkynnti starfsfólki á starfsmannafundi á föstudag að 23 af 28 starfsmönnum sláturhússins yrði sagt upp.
Ágúst Torfi Hauksson, framkvæmdastjóri Kjarnafæðis Norðlenska, segir að starfsfólki félagsins á Blönduósi standi til boða vinna á öðrum starfsstöðvum þess en félagið vilji þó ekki hvetja fólk sérstaklega til að flytja frá Blönduósi.
„Við sögðum á fundinum að við myndum gera allt sem í okkar valdi stæði til að vera fólki innan handar, hvort heldur í atvinnuleit eða ef fólk getur hugsað sér að vinna áfram hjá félaginu á öðrum starfsstöðvum.“
Ágúst segir standa til að skala niður starfsemina á Blönduósi og að lokum koma húsakosti í verð. Ákveðið hefur verið að sauðfé verði ekki slátrað á Blönduósi
...