Frelsisstyttunni snúið á hlið

Kvik­mynd­in Brútalist­inn, The Brutal­ist, sem var frum­sýnd í Fen­eyj­um í fyrra­haust, hef­ur nú verið tek­in til sýn­inga hér á landi og aðeins í Sam­bíó­un­um í Kringl­unni. Ein eða tvær sýn­ing­ar hafa verið á mynd­inni á dag og skýr­ing­in á þess­um fáu sýn­ing­um hlýt­ur að vera lengd mynd­ar­inn­ar, þrjár klukku­stund­ir og 34 mín­út­ur. Svo lang­ar kvik­mynd­ir hafa verið frek­ar sjald­séðar á Óskar­sverðlaun­um það sem af er 21. öld­inni en þó eru þær nokkr­ar, m.a. The Iris­hm­an frá 2019 og mynd­irn­ar þrjár sem gerðar voru eft­ir Hringa­drótt­ins­sögu. Brútalist­inn stend­ur merki­lega vel und­ir sinni miklu lengd en hefði gjarn­an mátt vera dá­lítið styttri þar sem stöku atriði virka óþörf fyr­ir heild­ar­sög­una og hægja í raun á fram­vindu henn­ar.