Guðný Halldórsdóttir
Kameljón eru þeirri náttúru gædd að geta breytt um lit eftir aðstæðum og tilefni. Segir á einum stað að þetta sé líka hluti af félagslegu athæfi þeirra. Til að sitja í núverandi ríkisstjórn virðist þetta vera nauðsynlegur eiginleiki. Í það minnsta eru ráðherrar ekki bundnir af sannfæringu sinni.
Daði Már Kristófersson, núverandi fjármálaráðherra, gerði auðlindarentu endrum og eins að viðfangsefni í skrifum sínum sem fræðimaður við Háskóla Íslands. Um hugtakið hafði hann þetta að segja í viðtali við Viðskiptablaðið árið 2012: „… þá er í sjálfu sér ekkert rými eftir í rekstrinum til að greiða auðlindarentu. Hún rann öll til fyrri eigenda.“ Og vísar þá til þess að meint auðlindarenta í sjávarútvegi hverfi í raun úr greininni með þeim sem selja kvóta og hætta útgerð. Þess má geta að nær allur kvóti við
...