Líkurnar á hreinum úrslitaleik Vals og Breiðabliks í lokaumferð Bestu deildar kvenna laugardaginn 5. október jukust enn í gærkvöld þegar bæði lið unnu leiki sína á útivöllum í 20. umferð deildarinnar
Besta deildin
Víðir Sigurðsson
vs@mbl.is
Líkurnar á hreinum úrslitaleik Vals og Breiðabliks í lokaumferð Bestu deildar kvenna laugardaginn 5. október jukust enn í gærkvöld þegar bæði lið unnu leiki sína á útivöllum í 20. umferð deildarinnar.
Valskonur áttu þar erfiðari kvöldstund en þær knúðu fram sigur gegn Þór/KA á Akureyri, 1:0, á meðan Breiðablik vann öruggari sigur á Þrótti í Laugardalnum, 4:1.
Breiðablik er því komið með 54 stig gegn 53 stigum hjá Val þegar þremur umferðum er ólokið. Auk þess bætti Breiðablik við forskot sitt í markatölu, sem gæti mögulega ráðið úrslitum, og er nú tíu mörkum á undan Val á því sviði.
En vinni bæði lið báða sína leiki í tveimur næstu
...