Afríka er heimsálfa sem er engu lík, full af dulúð, ólýsanlegri náttúrufegurð, villtum dýrum og iðandi og litríku mannlífi. Sigrún Þorsteinsdóttir og eiginmaður hennar, Jóhannes Erlingsson, voru nýlega á ferðalagi í Austur-Afríku, ásamt fjölskyldu og vinum, og hófst ferðin í Sansíbar í Tansaníu og endaði í Mombasa í Keníu. Sigrún, sem er doktor í heilsueflingu, er starfandi heilsu- og barnasálfræðingur og þar að auki mikill matgæðingur, en margir fylgjast með matargerð hennar á cafesigrun.com. Eitt af hennar aðaláhugamálum eru ferðalög og er Afríka þar í sérstöku uppáhaldi, en hún hefur margoft lagt leið sína þangað, fyrst fyrir tuttugu árum. Blaðamaður fékk Sigrúnu til að segja sér ferðasöguna.
„Við hjónin höfum ferðast til Austur-Afríku allt frá árinu 2005 en þá fórum við í fyrstu ferðina af a.m.k. tíu en þær eru orðnar fleiri hjá eiginmanninum sem hefur fjórum
...