Stefán Gunnar Sveinsson
sgs@mbl.is
Stjórnvöld í Rúmeníu, Póllandi, Austurríki og Tékklandi staðfestu í gær að samtals átján manns hið minnsta hefðu farist af völdum flóðanna í Mið-Evrópu sem fylgt hafa storminum Boris. Þá hefur stormurinn einnig valdið miklum usla í Ungverjalandi og Slóvakíu þó að ekki hafi neinn farist þar svo vitað sé.
Í Austurríki var staðfest að fjórir hefðu farist af völdum flóðanna í Neðra-Austurríki, sambandslandinu sem umlykur Vínarborg. Að sögn veðurfræðinga hefur Boris haft í för með sér fimmfalda þá úrkomu sem venjulega mælist í Austurríki í septembermánuði að meðaltali.
Að minnsta kosti tólf stíflur hafa brostið í landinu vegna úrkomunnar, og þá hefur rafmagnsleysi og drykkjarvatnsskortur hrjáð þúsundir heimila í Neðra-Austurríki að sögn
...