Keflavík vann sannfærandi útisigur, 4:1, í fyrri leik sínum við ÍR í umspili 1. deildar karla í fótbolta í Mjóddinni í gær. Er Keflavík því komin með annan fótinn í hreinan úrslitaleik á Laugardalsvelli um sæti í Bestu deildinni
Jóhann Ingi Hafþórsson
johanningi@mbl.is
Keflavík vann sannfærandi útisigur, 4:1, í fyrri leik sínum við ÍR í umspili 1. deildar karla í fótbolta í Mjóddinni í gær. Er Keflavík því komin með annan fótinn í hreinan úrslitaleik á Laugardalsvelli um sæti í Bestu deildinni.
Keflavík byrjaði með látum því Kári Sigfússon skoraði fyrsta mark leiksins á 11. mínútu með hnitmiðuðu skoti utan teigs. Keflavík bætti við öðru markinu á 24. mínútu er fyrirliðinn Marc McAusland varð fyrir því óláni að skora sjálfsmark.
Króatinn Mihael Mladen bætti við þriðja markinu á 27. mínútu eftir slæm varnarmistök ÍR-inga. Hákon Dagur Matthíasson lagaði stöðuna fyrir ÍR á 44. mínútu og var staðan í hálfleik 3:1.
...