Kristín Heiða Kristinsdóttir
khk@mbl.is
Í þeim aðstæðum sem nú ríkja, vextir að sliga fólk og allt upp í loft á Alþingi, þá er lífsþráðurinn okkar að skreppa í leikhús og hugsa ekki um neitt annað en hina gleðigefandi stund sköpunarinnar,“ segir Sigurlaug Vordís Eysteinsdóttir leikstjóri Ávaxtakörfunnar sem Leikfélag Sauðárkróks frumsýndi fyrr í vikunni í Bifröst. Höfundur verksins er Kristlaug María Sigurðardóttir og höfundur tónlistar Þorvaldur Bjarni Þorvaldsson. Leikritið gerist í ávaxtakörfu þar sem allir eru kúgaðir af Imma ananas. Mæja jarðarber er minnst og verður fórnarlamb eineltis. En þegar gulrót kemur í ávaxtakörfuna tekur hún við hlutverki Mæju sem bitbein og verður fyrir barðinu á fordómum þar sem hún er grænmeti og því annarrar ættar en ávextirnir. Smám saman opnast augu ávaxtanna fyrir því að það er ekki útlitið sem skiptir
...