Hampfélagið hélt ráðstefnu í síðustu viku í Salnum í Kópavogi sem bar yfirskriftina Hampur fyrir framtíðina, þar sem lögð var áhersla á stöðu iðnaðar- og lyfjahampsræktunar hér á landi ásamt tækifærum til framtíðar
Hampur Sigurður Hólmar formaður Hampfélagsins segir félagið vilja draga úr fordómum gagnvart hampinum.
— Morgunblaðið/Karítas
Baksvið
Arinbjörn Rögnvaldsson
arir@mbl.is
Hampfélagið hélt ráðstefnu í síðustu viku í Salnum í Kópavogi sem bar yfirskriftina Hampur fyrir framtíðina, þar sem lögð var áhersla á stöðu iðnaðar- og lyfjahampsræktunar hér á landi ásamt tækifærum til framtíðar.
Iðnaðar- og lyfjahampur er unninn úr sitthvorri kannabisplöntunni, en þær eru náskyldar.
Sigurður Hólmar Jóhannesson, formaður Hampfélagsins, segir að ýmsir hafi flutt erindi á ráðstefnunni um möguleika hamps bæði fyrir iðnað og í lækningaskyni.
„Á ráðstefnunni var fjallað um iðnaðarhampinn og allt það sem hægt er að gera úr honum. Til að mynda hvernig á að rækta hann og það sem hann hefur fram að færa bæði fyrir iðnað og heilsu fólks.
...