Þorsteinn Þórður Víglundsson fæddist 19. október árið 1899 á Melum í Mjóafirði. Foreldrar hans voru Víglundur Þorgrímsson, f. 1877, d. 1945, og Jónína Guðrún Þorsteinsdóttir, f. 1863, d. 1954. Þorsteinn varð búfræðingur frá Hvanneyri 1919, var við nám í Noregi og lauk kennaraprófi frá Kennaraskóla Íslands 1927. Að loknu námi var Þorsteinn skólastjóri við unglingaskóla Vestmannaeyja og skólastjóri Gagnfræðaskólans þar 1930-1964.
Þorsteinn var einn af stofnendum Sparisjóðs Vestmannaeyja 1942 og gegndi starfi sparisjóðsstjóra 1942-1974. Eftir Þorstein liggja ýmis ritstörf, m.a. útgáfa á ársriti Vestmannaeyja, Bliki, sem hann gaf út og skrifaði nær einvörðungu sjálfur frá 1936 til 1981. Þá var hann höfundur og útgefandi að íslensk-norskri orðabók.
Þorsteinn var gerður að heiðursborgara
...