Morgunblaðið
| 5.7.2000
| 11:40
| Uppfært
12:20
Skrefi nær því að hvalveiðar verði teknar upp
Setja bókamerki
Tillaga 10 ríkja undir forystu Svía á ársfundi Alþjóðahvalveiðiráðsins (IWC) í Adeleide um að ljúka gerð endurskoðaðs stjórnunarkerfis hvalveiðistofna (RMS) fyrir ársfund IWC í Bretlandi að ári var samþykkt á fundinum í Adeleide í morgun. Þykir með því sem stigið hefði verið eitt skref til viðbótar í átt til þess að hvalveiðar í atvinnuskyni verði hafnar að nýju.
Tillagan, sem m.a. Suður-Afríka, Írland og Mexíkó stóðu að auk Svíþjóðar, kveður á um að hraða skuli textasmíði RMS-skjalsins, sem er upp á fimm síður, og ljúka henni fyrir fund IWC næsta vor. Átök um lagalegan texta þess hefur staðið í áratug. Hinu endurskoðaða stjórnkerfi er m.e. ætlað að ákvarða stærð veiðikvóta og fyrirkomulag veiðieftirlits. Verður það að liggja fyrir í endanlegri mynd áður en hægt verður að ákveða hvort hvalveiðar verði leyfðar að nýju. Aðstoðarráðuneytisstjóri í japanska sjávaraútvegsráðuneytinu, Joji Morishita, sagði samþykktina vera framfaraspor en fulltrúi Ástralíu á fundi IWC sagði að enn væri langur vegur til London og neitaði hann að fallast á að samþykkt tillögunnar táknaði klofning meðal aðildarríkja ráðsins. Fulltrúar umhverfissamtaka, sem fylgjast með fundinum í Adeleide, sögðust hins vegar óttast að úr þessu yrði ekki aftur snúið og hvalveiðar yrðu hafnar að nýju.
/frimg/1/57/62/1576201.jpg)
/frimg/1/52/43/1524385.jpg)
/frimg/1/42/27/1422724.jpg)
/frimg/1/13/54/1135498.jpg)
/frimg/1/42/29/1422957.jpg)
/frimg/1/42/72/1427285.jpg)
/frimg/6/76/676422.jpg)
/frimg/6/29/629847.jpg)
/frimg/5/52/552054.jpg)
/frimg/6/96/696510.jpg)
/frimg/4/82/482296.jpg)
