Morgunblaðið | 14.4.2011 | 21:32

Bretar banna sölu aftökulyfja til Bandaríkjanna

Vince Cable, viðskiptaráðherra Bretlands. Reuters

Bretar hyggjast banna sölu þriggja lyfja sem notuð eru við dauðarefsingar til Bandaríkjanna. Viðskiptaráðherra landsins lýsti þessu yfir í dag. Hvetur hann til að Evrópulönd setji bann á sölu lyfjanna til Bandaríkjanna.d.

„Við erum mótfallin dauðarefsingunni undir öllum kringumstæðum og við erum skýr í þeirri afstöðu að bresk lyf verið ekki notuð í banvænar sprautur,“ sagði Vince Cable, viðskiptaráðherra. Breska blaðið The Guardian segir frá þessu á vefsíðu sinni.

Ráðherrann grípur til þessara aðgerða eftir að í ljós kom við rannsókn þingnefndar að það magn sem bresk lyfjaheildsalar hefðu selt til Bandaríkjanna frá því síðasta sumar væri nægilegt til að taka hundrað fanga á dauðadeild af lífi.