Morgunblaðið | 12.2.2012 | 20:35 | Uppfært 20:57

Fjölskylda Houston miður sín

Mynd 1 af 3 Whitney Houston árið 1998. AP

Mynd 2 af 3 Whitney Houston og þáverandi eiginmaður hennar Bobby Brown, mæta í veislu fyrir Óskarsverðlaunin árið 2001. AP

Mynd 3 af 3 Faith Walker, þriggja ára, stendur við hlið frænku sinnar, Shalana Gaston, sem svarar spurningum fjölmiðla. Houston söng í kirkjukór með Gaston á árum áður. AP

Fjölskylda söngkonunnar Whitney Houston segist miður sín yfir þeim harmleik sem fráfall hennar sé. Houston fannst látin í baðkari á hótelherbergi í gær. Hún var 48 ára.

„Við erum eyðilögð yfir dauða okkar ástkæru Whitney,“ segir í yfirlýsingu frá fjölskyldu söngkonunnar. „Við þökkum öllum þeim aðdáendum og vinum sem hafa sýnt okkur stuðning og sent okkur kveðjur.“

Móðir Houston, Cissy, er sögð hafa talað við poppsöngkonuna stuttu áður en hún lést.

Lyfseðilsskyld lyf fundust á hótelherberginu en Houston hefur í mörg ár glímt við lyfjafíkn.