Morgunblaðið | 17.1.2013 | 7:43

ESB og Noregur ræða skiptingu makrílkvóta

Jón Bjarnason afhendir Steingrími J. lyklana að landbúnaðar- og sjávarútvegsráðuneytinu. mbl.is/Ómar

Evrópusambandið og Noregur funda þessa dagana á Írlandi um veiðar á makríl og fleiri tegundum og er búist við að fundinum ljúki á morgun.

Á fundi í desember varð ekki niðurstaða um veiðar á þessu ári, en undanfarin ár hafa ESB og Noregur tekið sér um 90% af heildarkvótanum.

Í árslok 2011 var það eitt af síðustu embættisverkum Jóns Bjarnasonar, fyrrverandi sjávarútvegsráðherra, að ákveða heildarkvóta í makríl. Árið áður tilkynnti hann makrílkvótann 17. desember, en síðustu ár hafa makrílveiðar hafist í júníbyrjun.

Á Alþingi í fyrradag gagnrýndi Jón eftirmann sinn, Steingrím J. Sigfússon atvinnuvegaráðherra, fyrir að vera ekki búinn að gefa út aflamark íslenskra skipa í makríl á þessu ári. Sagði Jón að Steingrímur hefði „dregið og dregið að gefa út makrílkvóta fyrir Íslendinga.“.