Morgunblaðið | 20.4.2013 | 14:43

Finnar líklega með í eftirlitinu

F-18 orrustuþota. Wikipedia

Flest bendir til þess að Finnar taki þátt í samnorrænu loftrýmiseftirliti við Ísland á næsta ári ásamt Svíum, Dönum og Norðmönnum en gert er ráð fyrir að óvopnaðar orrustuþotur frá þjóðunum fjórum sjái um eftirlitið.

Fram kemur á fréttavefnum Yle.fi í gær að ríkisstjórn Finnlands hafi þegar samþykkt þátttöku í verkefninu sem og utanríkis- og öryggismálanefnd stjórnarinnar. Skýrsla utanríkisráðuneytisins um málið hafi verið rædd í utanríkismálanefnd finnska þingsins og fengið ítarlegar umræður.

Þá segir að endanleg ákvörðun verði tekin af varnamálaráðuneytinu í samræmi við afstöðu þingsins til málsins og vísað í yfirlýsingu frá ríkisstjórninni.

Frétt Yle.fi