Morgunblaðið | 1.10.2013 | 5:30

Nýjar leiðir um álagningu veiðigjalda til skoðunar

mbl.is/Helgi

Sigurður Ingi Jóhannsson, sjávarútvegs- og landbúnaðarráðherra, hefur falið veiðigjaldsnefndinni, sem skipuð var fyrir réttu ári, að „gaumgæfa leiðir að útfærslum að álagningu veiðigjalda“, eins og það er orðað í umfjöllun ráðuneytisins.

Samhliða þessu hefur ráðherra sett á fót annan hóp sem er ætlað að liðsinna veiðigjaldsnefndinni eftir þörfum, að því er fram kemur í Morgunblaðinu í dag.

Samkvæmt upplýsingum ráðuneytisins er að því stefnt að sem víðtækust sátt náist að frumvarpi sem verði lagt fyrir Alþingi síðar í vetur.

[Fara efst á síðu]