Morgunblaðið | 4.10.2013 | 11:27

Baltasar: Hrikalegt áfall

Leikstjórinn Baltasar Kormákur. mbl.is/Golli

„Hvað get ég sagt. Þetta er hrikalegt áfall fyrir kvikmyndaiðnaðinn á Íslandi segir Baltasar Kormákur, leikstjóri 2 Guns, í viðtali við The Hollywood Reporter um boðaðan niðurskurð til kvikmyndagerðar á Íslandi samkvæmt fjárlagafrumvarpinu. Í greininni kemur fram að framlögin verði skorin niður um 40%, úr 1 milljarði króna í um 625 milljónir.

„Ég held að allir hafi átt von á því að eitthvað yrði skorið niður en ekki í líkingu við þetta.“

Í umfjöllun The Hollywood Reporter segir að Baltasar geri enn íslenskar kvikmyndir og stóli þá á stuðning kvikmyndasjóðs.

„Það er nánast ógerlegt að byggja upp framtíð fyrir íslenska kvikmyndagerð ef haldið verður áfram að skera niður,“ segir Baltasar ennfremur.