Hagsmunir vegna hvalveiða verði metnir
Setja bókamerki
Átta stjórnarandstöðuþingmenn hafa lagt fram þingsályktunartillögu á Alþingi þess efnis að fjármála- og efnahagsráðherra láti fara fram mat á heildarhagsmunum Íslands vegna hvalveiða í íslenskri lögsögu.
Metnir verði efnahagslegir og viðskipalegir hagsmunir, hagsmunir sjávarútvegs og ferðaþjónustu sem og áhrif hvalveiða á stöðu Íslands á alþjóðavettvangi og á samskipti við einstök ríki.
Lagt er til að ráðherra skili Alþingi skýrslu um heildarhagsmunamatið fyrir árslok 2014.
Í greinargerð með tillögunni segir að veiðar á langreyð séu stundaðar af einu fyrirtæki, Hval hf., frá maí og fram á haust. Veiðarnar séu umdeildar þar sem langreyður er á lista CITES yfir dýr í útrýmingarhættu.
„Sterk krafa er í Bandaríkjunum um refsiaðgerðir gegn Íslandi og Bandaríkjaþing hefur virkjað hinn svokallaða Pelly-viðauka sem veitir forsetanum rétt til að ákvarða aðgerðir á borð við viðskiptaþvinganir,“ segir í greinargerðinni.
Þingmennirnir eru þau Sigríður Ingibjörg Ingadóttir, Svandís Svavarsdóttir, Björt Ólafsdóttir, Birgitta Jónsdóttir, Katrín Júlíusdóttir, Lilja Rafney Magnúsdóttir, Óttarr Proppé og Össur Skarphéðinsson.
/frimg/1/57/62/1576201.jpg)
/frimg/1/52/43/1524385.jpg)
/frimg/1/42/27/1422724.jpg)
/frimg/1/13/54/1135498.jpg)
/frimg/1/42/29/1422957.jpg)
/frimg/1/42/72/1427285.jpg)
/frimg/6/76/676422.jpg)
/frimg/6/29/629847.jpg)
/frimg/5/52/552054.jpg)
/frimg/6/96/696510.jpg)
/frimg/4/82/482296.jpg)
