Morgunblaðið | 11.7.2014 | 10:20 | Uppfært 3.7.2023 14:16

21 Íslendingur með fallega húð

Svava Johansen er með húð sem verður greinilega dökk, en hún passar sig að verða aldrei of dökk. mbl.is/Árni Sæberg

Margir Íslendingar kannast við það að þrá ekkert heitar en verða sólbrúnir og nýta til þess hvern sólardag meðan aðrir passa upp á sína postulínshúð og verða því ekki hrukkóttir fyrir aldur fram.

En það er ekki endilega fallegast að vera roðinn af sól, það má ekki gleyma að það er einnig eftirsóknarvert að vera eins og stundum er sagt „pale and interesting - eða fölur og áhugaverður. Mestu skiptir að húðin sé heilbrigð, sumir eru fallega dökkir frá náttúrunnar hendi, aðrir rauðbirknir með ævintýralega fallegar freknur og nokkrir í hinum föla og áhugaverða hóp. En engu skiptir hvort þið eruð fljót að taka lit eða brennið á mínútu; notið sólarvörn!

Smartland valdi nokkra Íslendinga saman á blað sem má með sanni segja að séu með fallegt hörund - á einn eða annan hátt.

Steinunn Þórarinsdóttir er með einstaklega fallega ljósa húð. mbl.is

Yasmine Olsson matgæðingur, er með ákaflega fallega húð sem geislar af heilbrigði, enda borðar hún hollan og góðan mat. mbl.is/Árni Sæberg

Listamaðurinn Ragnar Kjartansson er með hraustlegar kinnar, líkt og hann sé alltaf að ganga fjöll. mbl.is/Golli / Kjartan Þorbjörnsson

Margrét Vilhjálmsdóttir er með pálmann í höndunum; rautt og mikið hár og óaðfinnanlega húð. mbl.is/Kristinn Ingvarsson

Róbert R. Spanó, dómari við Mannréttindadómstól Evrópu, er með þetta suðræna yfirbragð sem er sjaldgæft hér á Íslandi, en allir dáðst að. mbl.is/Eggert Jóhannesson

Leikkonan Ágústa Eva Erlendsdóttir er sjarmatröll og með hörund sem er fullt blæbrigða. mbl.is/Árni Sæberg

Það eru ekki allir sem bera það að vera svona dökkhærðir en keramiklistakonan Kogga gerir það því húð hennar er fögur og mátulega ljós. mbl.is/Friðrik Tryggvason