Morgunblaðið | 15.7.2014 | 10:30 | Uppfært 2.5.2021 11:11

24 hárprúðustu Íslendingarnir

Atli Bollason, athafnamaður er tvímælalaust einn hárprúðasti íslenski núlifandi karlmaðurinn. mbl.is/Styrmir Kári

Nú þegar búið er að fjalla um vel tennta Íslendinga og Íslendinga með fagra húð er ekkert nema eitt eftir til að ljúka þessum þríleik og það eru eflaust margir sem hafa beðið í ofvæni eftir þessum lista. Síðasti hlutinn inniheldur nöfn þeirra Íslendinga sem Smartlandi þykir vera með fallegasta hárið. Það skal þó tekið fram að listinn er ekki tæmandi en 24 Íslendingar voru svo heppnir að komast í úrslit.

Flestir vilja vera með heilbrigt hár og eru til margar aðferðir sem eiga að gera góða hluti fyrir hárið. Sumir segja til dæmis að það eigi alls ekki að þvo hárið á hverjum degi og einhverjar Hollywood stjörnur blanda ólífuolíu og vatni saman í brúsa og úða því í hárið kvöldið fyrir stórviðburði. Blandan er svo þvegin úr morguninn eftir til að fá glansandi fínt og heilbrigt hár. Einnig hefur því verið haldið fram að kókosolía geri kraftaverk fyrir hárið.

Friðriki Þór Friðriksson, kvikmyndaleikstjóri er með virkilega gott hár. mbl.is/Kristinn Ingvarsson

Hár Högna Egilssonar söngvara er sérlega fagurt á litinn; eins og gull. mbl.is/Eggert Jóhannesson

Leikkonan Ilmur Kristjánsdóttir, er með hrokkið og vel hirt hár. mbl.is/Eggert Jóhannesson

Það væri náttúrlega út í hött að birta lista með fallega hærðum Íslendingum og hafa Dag B. Eggertsson, borgarstjóra ekki á honum. Hárið er ekki síðra eftir að það fór að grána. mbl.is/Ómar Óskarsson

Plötusnúðurinn og viðskiptafræðineminn Natalie G. Gunnarsdóttir, er með algjörlega truflað hár sem vekur athygli hvert sem hún fer. mbl.is/Rósa Braga

Jakob Frímann Magnússon tónlistarmaður er með afar þétt hár sem er ekki gefið og alltaf almennilega klippt. mbl.is/Eggert Jóhannesson

Sveppi er án efa með draumahár margra foreldra; með ljósar englakrullur. mbl.is/Golli / Kjartan Þorbjörnsson

Stelpurnar á bakvið Tulipop, Helga Árnadóttir og Signý Kolbeinsdóttir, eru báðar vel hærðar og mynda flott rautt-ljóst kombó.

Björt Ólafsdóttir þingmaður er alltaf smart og hár hennar ber af í þingsalnum. mbl.is/Golli / Kjartan Þorbjörnsson

Unnsteinn Manúel Stefánsson, tónlistarmaður hefur í gegnum tíðina verið óhæddur við að lita það og klippa og að er altaf spennandi að fylgjast með hverju hann tekur upp á. mbl.is/Valdís Þórðardóttir

Hólmfríður Anna Baldursdóttir, stjórnmálafræðingur og fyrrverandi upplýsingafulltrúi Barnahjálpar Sameinuðu þjóðanna á Íslandi, er með dökkt og fallegt klassískt hár sem tekið er eftir. mbl.is/Golli / Kjartan Þorbjörnsson

Kvikmyndagerðamaðurinn Ari Alexander er með fágaða en samt hæfilega villta greiðslu. Ljósmynd/Kristinn Ingvarsson

Baltasar Kormákur Samper leikstjóri er einn af þeim sem hefur í gegnum tíðina verið jafntöff hvort sem hann er með sítt eða stutt hár. Hann er pottþétt líka flottur með sítt að aftan. mbl.is/Golli / Kjartan Þorbjörnsson