Morgunblaðið | 31.7.2014 | 22:32 | Uppfært 1.8.2014 7:25

Hátíðarhöld helgarinnar hafin

Mynd 1 af 5 Hvorki hundar né menn létu smá úrkomu á sig fá Mynd/Þorgeir Baldursson

Mynd 2 af 5 Stærri gerð af kókflösku og ein með öllu Mynd/Þorgeir Baldursson

Mynd 3 af 5 Fjölmargir komu saman í grasbalanum Mynd/Þorgeir Baldursson

Mynd 4 af 5 Börnin stigu dans við sviðið Mynd/Þorgeir Baldursson

Mynd 5 af 5 Matti Matt og Pétur Örn Mynd/Þorgeir Baldursson

Fjölskylduhátíðin Ein með öllu á Akureyri var formlega sett í kvöld með útitónleikum í Skátagili þar sem fjölmargir þjóðþekktir listamenn komu fram.

Góð mæting var í Gilinu að vana og hlýddu áhorfendur meðal annars á Magna Ásgeirsson, Matta Matt og Jóhönnu Guðrúnu.

Að sögn lögreglunnar á Akureyri var umferðin í bæinn róleg í dag en búist er við að hún þéttist á morgun.

Þétt dagskrá verður á Akureyri fram eftir nóttu þar sem hljómsveitin Dúndurfréttir treður upp á Græna hattinum klukkan 22:00. Þá heldur Eyþór Ingi uppi stuðinu á Kaffi Akureyri og Jóhanna Guðrún, Böddi Dalton og Davíð á Götubarnum.