Morgunblaðið | 1.8.2014 | 10:00 | Uppfært 14:13

Nýtt þjóðhátíðarapp

Mynd 1 af 3 Ekki spillir fyrir að hægt sé að hlusta á þjóðhátíðarlagið í forritinu. Ljósmynd/mbl.is

Mynd 2 af 3 Í forritinu er kort af Heimaey en gagnlegar upplýsingar hafa verið merktar inn á það. Ljósmynd/mbl.is

Mynd 3 af 3 Skjáskot af forritinu. Eins og sjá má er hægt að nálgast upplýsingar um dagská helgarinnar í Eyjum. Ljósmynd/mbl.is

Nú hefur verið gefið út sérstakt þjóðhátíðar-símaforrit eða „app“ sem ætlað er að auðvelda gestum þjóðhátíðarinnar í Vestmannaeyjum að nálgast upplýsingar um dagskrárliði og annað.

Í forritinu er einnig kort af Heimaey þar sem helstu staðir hafa verið merktir inn á. Til dæmis má nefna heimilisfang lögreglunnar, staðsetningu sundlaugarinnar, kjörbúða og annars.

Forritið hefur bæði verið gert fyrir Appletæki og Android en það má finna undir leitarorðinu „Dalurinn“.

„Þetta app er gert til að bæta þjónustu og upplýsingar til þjóðhátíðargesta,“ segir Ólafur Örn Guðmundsson, forritari.