Morgunblaðið | 4.8.2014 | 7:36 | Uppfært 9:45

Sjálfkært vegna alvarleika líkamsárásar

Frá Akureyri.

Frá Akureyri. mbl.is/Skapti Hallgrímsson

Nóttin var róleg hjá lögreglunni á Akureyri og gekk skemmtanalífið í bænum vel fyrir sig. Einn gisti fangaklefa vegna ölvunar og var einn ökumaður tekinn undir áhrifum fíkniefna.

Að sögn lögreglu var smáerill en engar stórvægilegar tilkynningar.

Aðfaranótt laugardags var maður handtekinn vegna líkamsárásar í miðbæ Akureyrar. Þar skellti árásarmaðurinn öðrum manni niður og sparkaði í hann þar sem hann lá á jörðinni. Árásarmaðurinn var handtekinn og gistir nú fangageymslur.

Að sögn lögreglu var um alvarlega líkamsárás að ræða og er því að líkum sjálfkært í málinu. Árásarmaðurinn var yfirheyrður í gær og fer rannsóknardeild lögreglunnar nú með málið.

Fyrri frétt mbl: Líkamsárás á Akureyri

[Fara efst á síðu]