Morgunblaðið | 28.10.2014 | 16:05 | Uppfært 16:42

Aðrir læknar leggja niður störf í kvöld

Læknar á sjúkrahúsinu á Akureyri leggja niður störf á miðnætti. mbl.is/Skapti

Á miðnætti í kvöld er komið að því að læknar á Sjúkrahúsinu á Akureyri og á lyflæknissviði Landspítala leggi niður störf og stendur verkfallið til miðnættis aðfaranótt föstudagsins 31. október, eða í tvo sólarhringa.

Verkfall lækna í Læknafélagi Íslands hófst á miðnætti aðfaranótt sunnudags og voru læknar á heilsugæslustöðvum höfuðborgarsvæðisins, á kvenna-, rannsóknar og barnasviði Landspítala og Heilbrigðisstofnunum Vesturlands, Vestfjarða, Norðurlands, Austurlands, Suðurlands og Heilbrigðisstofnun Suðurnesja fyrstir til að fara í verkfall.

Læknar á þessum sviðum Landspítalans, á heilsugæslum höfuðborgarsvæðisins og Heilbrigðistofnunum munu hefja störf á ný á miðnætti.

Hvenær fara læknarnir í verkfall?