Airwaves-veisla í fimm sólarhringa
Gunnar Dofri Ólafsson
Setja bókamerki
Iceland Airwaves er svo miklu meira en bara tónleikarnir, og hel***is raðirnar sem einkenna hátíðina, heldur er miðborg Reykjavíkur undirlögð af alls konar tónlistarviðburðum meira og minna frá morgni til kvölds alla dagana.
Fólk sem leggur ekki í síðkvöldstónleika fimm daga í röð, eða er einfaldlega ekki með passa á hátíðina getur því gert sér glaðan dag og dagamun með því að þræða utandagskrárdagskrána.
People in a queue for tickets to @theminershymns at #airwaves14 tomorrow. Didn't you get one? Still available to buy. pic.twitter.com/2sLLd2RjPZ
— Iceland Symphony (@IcelandSymphony) November 6, 2014
Utandagskráin er orðin stærri og veigameiri þáttur í Airwaves hátíðarhöldunum.
Sjálfur á ég bágt með að trúa að einhverjir toppi tónleikana sem ég sá tiltölulega nývaknaður á Grund í gærmorgun, þar sem Júníus Meyvant og Ylja spiluðu fyrir fullan sal af gamlingjum í hjólastól, í bland við starfsfólk hjúkrunarheimilisins og hipstera í þröngum gallabuxum með skrýtin skegg.
Gærkvöldið stóð þó ágætlega fyrir sínu. Eins og sönnum menningarrannsóknarblaðamanni sæmir kom ég mér inn á gólf hjá útlendingum, skiptinemum sem búa tíu saman í hálfgerðri kommúnu í Þingholtunum.
Stefnan þeirra var einföld - þau vildu sjá Ásgeir Trausta. Ég var efins, því mín upplifun af Ásgeiri á sviði er óspennandi. Sviðsframkoman kom mér hins vegar mjög skemmtilega á óvart, því hann var miklu, miklu kraftmeiri en ég hef hingað til upplifað hann.
One of the best performances I've ever seen from Berndsen! #airwaves14 @ The Laundromat Cafe http://t.co/w3WdDUBfaP
— sarah puttock (@sputtock) November 6, 2014
Utandagskráin
Blessunarlega er engin þörf á að bíða fram á kvöld til að komast aftur á Airwaves, því af nógu er að taka í dag. Ef ég gæti verið á mörgum stöðum í einu myndi ég leggja mig fram við að sjá Árstíðir á Kex klukkan 14:00, Prins Póló á Jör klukkan 15:00, Snorra Helgason á Kaffihúsi Vesturbæjar klukkan 15:00, Hermigervil á JÖR klukkan 16:00, Júníus Meyvant á Kex klukkan 16:00, Nuke Dukem í LHÍ klukkan 16:00, Low Roar á Slippnum klukkan 17:00, Una Stefson á JÖR klukkan 17:00, Samaris á Kaffibarnum klukkan 17:45 og svona mætti lengi telja, að öðrum listamönnum að sjálfsögðu ólöstuðum.
Gunnar Dofri flakkar um Airwaves alla helgina. Ef þú vilt fylgjast með honum er hægt að elta hann á Twitter, @gunnardofri og á Instagram, @gunnardofri.
/frimg/6/45/645910.jpg)
/frimg/6/64/664836.jpg)
/frimg/7/5/705536.jpg)
/frimg/7/5/705272.jpg)
/frimg/7/5/705075.jpg)
/frimg/6/25/625568.jpg)
/frimg/5/82/582918.jpg)
