Morgunblaðið | 24.4.2015 | 9:54

Skjólstæðingum Aflsins fjölgar

Aflið sinnir m.a. fólki sem lent hefur í heimilisofbeldi.

Aflið sinnir m.a. fólki sem lent hefur í heimilisofbeldi. Rax / Ragnar Axelsson

Skjólstæðingum Aflsins á Akureyri fjölgaði á síðasta ári. Þá komu 115 nýir skjólstæðingar til samtakanna sem sinna um heimilis- og kynferðisofbeldismálum. Nemur fjölgunin 3,5% milli ára.

Þetta kemur fram í frétt á vef Vikudags.

Einkaviðtölum fjölgaði um 21% og voru 980 talsins, en alls komu 189 skjólstæðingar í einkaviðtöl í fyrra. Gríðarleg fjölgun hefur orðið í einkaviðtölum frá árinu 2009 eða um 300%.

Árskýrsla Aflsins verður kynnt í kvöld á sérstöku málþingi, þar sem vandinn og þörfin í málaflokknum á landsbyggðinni verður í brennidepli.

Nánar er fjallað um málið í prentútgáfu Vikudags.

[Fara efst á síðu]