Morgunblaðið | 29.4.2015 | 6:02

Réðst á barnshafandi unnustu sína

mbl.is/G.Rúnar

Lögreglan á höfuðborgarsvæðinu handtók seint í gærkvöldi mann sem réðst á barnshafandi unnustu sína í Breiðholti vopnaður hníf.

Lögreglan fann manninn og tók af honum hnífinn. Hann verður vistaður í fangaklefa þar til hann verður yfirheyrður.

Samkvæmt upplýsingum frá lögreglu reyndist konan blessunarlega lítið slösuð og málið komið í farveg en frá 12. janúar hefur verið í gangi átak á vegum lögreglunnar á höfuðborgarsvæðinu og Reykjavíkurborgar gegn heimilisofbeldi.

[Fara efst á síðu]